قائداعظم یونیورسٹی میں طالبات کوجنسی ہراساں کرنےکاانکشاف
اسلام آباد : قائداعظم یونیورسٹی میں طالبات کو جنسی طور پر ہراساں کرنے کے واقعات کا انکشاف ہوا ہے.حالیہ واقعہ میں شعبہ انفارمیشن ٹیکنالوجی سال دوم کی طالبہ نے بھاگ کر پر وفیسر سے اپنی عزت بچائی ۔قائد اعظم کے نام سے وابستہ بین الاقوامی شہرت یافتہ جامعہ میں بعض اساتذہ کے طالبات کو جنسی ہراساں کرنے کے واقعات مسلسل پیش آرہے ہیں،ایک ماہ دوسرا واقعہ پیش آیا ہے جس میں آئی ٹی کے پر وفیسر نور مصطفیٰ نے سیکنڈ سمسٹر کی طالبہ کو نمبروں کا لالچ دے کر بلیک میل کرنے کی کوشش کی۔
قائد اعظم یونیورسٹی کی طالبہ نے نام نہ ظاہر کرنے پر بتایا کہ نور مصطفیٰ گذشتہ دوسالوں سے حیلوں بہانوں سے بلاتا اور دفتر میں چائے پینے کی دعوت دیتا جس کے بعد جمعرات کے روز اس نے ایک بار پھر دفتر میں بلا کر غیر اخلاقی حرکت کرنے کی کوشش کی۔میری جانب سے انکار پر پیپر میں فیل کرنے سمیت سنگین نتائج کی دھمکییاں بھی دیں ۔ طالبہ کی تحریری شکایت پر وائس چانسلر ڈاکٹر معصوم یاسین زئی نے شفاف تحقیقات کے لیے معاملہ یونیورسٹی کی ہراسمنٹ کمیٹی کے سپر دکردیا ۔
وائس چانسلر کا کہناہےکہ معاملے کی چھان بین کے لیے یونیورسٹی رجسٹرار کی سربراہی میں پانچ رکنی کمیٹی تشکیل دے دی ہے،ڈاکتر معصوم یاسین زئی نے کہا کہ یو نیورسٹی میں اس قسم کے اساتذ ہ کو کسی صورت بر داشت نہیں کیا جائے گا اور الزام ثابت ہونے پر سخت کاروائی کی جائے گی۔
قائداعظم یو نیورسٹی کے وی سی کا کہنا تھا کہ “ایسے ایشوز کی روک تھام کے لیے جامعہ میں ایک اعلی سطحی کمیٹی تشکیل دے دی ہے”۔
قائد اعظم یو نیورسٹی کی طالبہ سے مبینہ زیادتی میں ملوث پروفیسر سے موقف حاصل کرنے کی کوشش کی گئی تو اول تووہ اپنی شناخت سے منکرہوئے لیکن بعد میں اپنے دفترسے بھی فرادر ہوگئے۔
